நேரலைப் பேட்டியில் செல்ல நாயை அதட்டிய முன்னாள் துணைப் பிரதமர் பார்னபி ஜாய்ஸ் (Barnaby Joyce) - காணொளி வைரல்
அவுஸ்திரேலியாவின் ஒன் நேஷன் கட்சியின் (One Nation) மூத்த தலைவரும் முன்னாள் துணைப் பிரதமருமான பார்னபி ஜாய்ஸ் (Barnaby Joyce), தொலைக்காட்சி நேரலை விவாதத்தில் பங்கேற்றுப் பேசிக்கொண்டிருந்தபோது, திடீரெனத் தனது செல்ல நாயை நோக்கிச் சத்தமிட்டு அதட்டிய சம்பவம் உலகளவில் பேசுபொருளாகியுள்ளது.
செய்தியாளர் தீவிரமான அரசியல் கேள்விகளைக் கேட்டுக்கொண்டிருந்த வேளையில், கமராவிற்கு அப்பால் குரைத்துக்கொண்டிருந்த நாயைப் பார்த்து 'கீழே உட்கார்' (Sit down) எனத் திடீரென உரத்த குரலில் கத்தினார்.
காரசாரமான விவாதமும் நாயின் குறுக்கீடும்: ஒன் நேஷன் கட்சியின் தலைவர் பாலின் ஹேன்சன் (Pauline Hanson), பிரித்தானியாவின் தீவிர வலதுசாரி ஆர்வலர் டாமி ராபின்சனை (Tommy Robinson) சந்தித்தது தொடர்பாகவும், சர்வதேச அரசியல் சூழல்கள் குறித்தும் செய்தியாளர் கடினமான கேள்விகளை எழுப்பிக்கொண்டிருந்தார்.
அந்த நேரத்தில் நாயின் குறுக்கீட்டால் கவனச்சிதறல் அடைந்த பார்னபி ஜாய்ஸ், செய்தியாளரிடம் மன்னிப்புக் கேட்டுக்கொண்டு பேட்டியைத் தொடர முயன்றார். இருப்பினும், தொடர்ந்து இடையூறு ஏற்பட்டதால், 'தயவுசெய்து மரியாதையாகப் பேசுங்கள், இல்லையென்றால் இந்த நேர்காணல் பாதியிலேயே நின்றுவிடும்' என்று கோபத்துடன் செய்தியாளரை எச்சரித்தார்.
நேரலையில் நடந்த இந்த எதிர்பாராத சம்பவம், தீவிரமான அரசியல் விவாதத்தின் இடையே பெரும் சிரிப்பலையை ஏற்படுத்தியது. அந்த நேர்காணலின் காணொளி தற்போது சமூக வலைத்தளங்களில் (social media) பரவலாகப் பகிரப்பட்டு வருகிறது.
