பௌத்த எதிர்ப்புப் பிரசாரத்தில் எதிர்க்கட்சிகளுக்குத் தோல்வி - மகா சங்கத்தின் (Maha Sangha) ஆதரவு அரசுக்கு வலுவடைவு
பல்வேறு நெருக்கடிகளுக்கு மத்தியிலும் சமகால அரசாங்கம் வலுவான நிலையில் செயற்பட்டு வருவது, எதிர்கட்சிகளின் அரசியல் இருப்புக்குப் பெரும் அச்சுறுத்தலாக அமையும் என்ற அச்சத்தை அவர்களிடத்தில் ஏற்படுத்தியுள்ளது.
இதன் காரணமாக, ஜனாதிபதி அநுர குமார திசாநாயக்க (Anura Kumara Dissanayake) பௌத்த மத்திற்கு எதிரானவர் என்ற கோஷத்தை மக்கள் மத்தியில் விதைக்கும் நடவடிக்கையில் எதிர்க்கட்சிகள் ஈடுபட்டு வந்தன.
தமது இந்தப் பிரசாரத்தை மேலும் பலப்படுத்தும் வகையில் மகாநாயக்க தேரர்களின் (Maha Nayake Theros) கருத்துக்களைப் பெற முயன்ற அந்த முயற்சி பாரிய தோல்வியைச் சந்தித்துள்ள நிலையில், முன்னாள் ஜனாதிபதி மகிந்த ராஜபக்ச (Mahinda Rajapaksa) தலைமையிலான எதிர்க்கட்சியினர் ஏமாற்றமடைந்துள்ளதாகத் தெரிவிக்கப்படுகின்றது.
அவர்கள் திட்டமிட்டதற்கு மாறாக, மகா சங்கத்திற்கும் (Maha Sangha) சமகால அரசாங்கத்திற்கும் இடையிலான உறவு மேலும் வலுவடைந்து காணப்படுவதாகக் குறிப்பிடப்படுகின்றது. தற்போது எழுந்துள்ள சர்ச்சைக்குரிய குற்றச்சாட்டுகளை விசாரிப்பதற்காகக் கிராமங்களிலுள்ள விகாராதிபதித் தேரர்களும் அரசாங்கத்தின் சார்பான கிராமப் பிரதிநிதிகளும் கலந்துரையாடல்களில் ஈடுபட்டு வருகின்றனர்.
இவ்வாறான கலந்துரையாடல்களின் மூலம், அரசாங்கத்தின் மீது அதிருப்தி கொண்டிருந்த சில பௌத்த பிக்குகளும் சரியான தகவல்களின் அடிப்படையில் அரசாங்கத்திற்கு ஆதரவு தெரிவித்து வருவதாக நாடாளுமன்ற உறுப்பினர் லக்ஷ்மன் நிபுணஆராச்சி (Lakshman Nipunaarachchi) தெரிவித்துள்ளார். தன்னுடன் கலந்துரையாடிய பிக்குகள் உண்மை நிலையை அறிந்த பின்னர் எதிர்க்கட்சிகளைக் கடுமையாக எதிர்த்ததாகவும் அவர் குறிப்பிட்டார்.
எதிர்க்கட்சிகளால் ஆரம்பிக்கப்பட்ட பௌத்த எதிர்ப்பு வாதம் தற்போது அரசாங்கத்திற்குப் பெரும் பலமாக அமைந்துள்ளதாக அவர் மேலும் தெரிவித்தார். இதேவேளை, பௌத்த தேரர்கள் மட்டுமல்லாது வர்த்தகர்கள், மருத்துவர்கள், பொறியியலாளர்கள், ஆசிரியர்கள் உட்படப் பல தொழில்வல்லுநர்களும் கற்றறிந்த சமூகத்தினரும் 'நாடே ஒன்றாக' (Clean Sri Lanka) திட்டத்தைப் பெருமளவில் பாராட்டுவதாக அமைச்சர்கள் இந்தச் சந்திப்புகளின் போது சுட்டிக்காட்டியுள்ளனர்.
