பெர்த்தில் (Perth) தீ விபத்தில் வீட்டை இழந்த இலங்கைக் குடும்பம் - காப்பீடும் கிடைக்காமல் தவிப்பு

அவுஸ்திரேலியாவின் பெர்த் (Perth) நகரில் வசிக்கும் இலங்கைத் தம்பதி ஒன்று, தமது வீடு தீ விபத்துக்கு உள்ளாகி முழுமையாக அழிந்ததை அடுத்து வீடற்ற நிலைமைக்குத் தள்ளப்பட்டுள்ளது. தீ விபத்தில் உயிரிழப்புகள் ஏதும் பதிவாகவில்லை என்பது ஆறுதலான செய்தியாயினும், வாழ்வாதார ரீதியாக அவர்கள் எதிர்கொண்டுள்ள இழப்பு பாரியதாகும்.

கடந்த இரண்டு ஆண்டுகளுக்கு முன்னர் பலத்த எதிர்பார்ப்புடன் தமது சேமிப்புப் பணத்தைக் கொண்டு புதிய வீட்டை நிர்மாணித்திருந்த அத்தம்பதியின் வீடு, அண்மையில் ஏற்பட்ட மோசமான தீ விபத்தில் வசிக்க முடியாத அளவுக்குப் பாதிப்படைந்தது.

சிறிய கவனக்குறைவு காரணமாக ஏற்பட்ட தொழில்நுட்பக் கோளாறால், இந்த இழப்பிற்கான காப்பீட்டுத் தொகையைப் (insurance) பெற்றுக்கொள்ள முடியாத நிலை அவர்களுக்கு ஏற்பட்டுள்ளது. இதனால், மீண்டும் ஒரு வீட்டைக் கட்டியெழுப்புவது அவர்களுக்குப் பெரும் சவாலாக மாறியுள்ளது.

தற்போது இருவரும் அவுஸ்திரேலியாவில் பணியாற்றி வந்தாலும், பல வருடங்களாகச் சேர்த்த பணத்தை ஒரே நாளில் இழந்த நிலையில், அவர்கள் பெரும் பொருளாதார நெருக்கடியைச் சந்தித்துள்ளனர். அப்பிரதேச இலங்கைச் சமூகத்தினர் அக்குடும்பத்திற்கு ஆதரவாக நிற்பதாகத் தெரிவிக்கப்படுகிறது.

ஒரே ஒரு சிறிய கவனக்குறைவே இவ்வளவு பெரிய இழப்பிற்குக் காரணமாக அமைந்தது, அக்குடும்பத்திற்கு மேலும் வேதனையை ஏற்படுத்தியுள்ளது. வீட்டுக் காப்பீட்டு நிபந்தனைகளை முறையாகப் பராமரிப்பதன் அவசியத்தையும் இந்தச் சம்பவம் எடுத்துக்காட்டுகிறது என்பது குறிப்பிடத்தக்கது.