சவுதி (Saudi) அரேபியாவில் 14 வருடங்களாக காணாமல் போன இலங்கைப் (Sri Lanka) பெண்: தகவல் வேண்டும் என வயோதிக தந்தை வேண்டுகோள்

தொழில் நிமித்தம் சவுதி (Saudi) அரேபியாவிற்குச் சென்ற இலங்கைப் (Sri Lanka) பெண்ணொருவர் கடந்த 14 வருடங்களாக காணாமல் போயுள்ளார்.

அம்பன்பொல - செருகொட பகுதியைச் சேர்ந்த நிலுகா ராஜபக்ச (Rajapaksa) என்ற பெண்ணே இவ்வாறு காணாமல் போயுள்ளார்.

கடந்த 2012ஆம் ஆண்டு ஏப்ரல் மாதம் 10ஆம் திகதி இப்பெண் வெளிநாட்டு வேலைவாய்ப்புக்காக சவுதி (Saudi) அரேபியா நாட்டிற்குப் புறப்பட்டுச் சென்றுள்ளமை ஆவணங்களிலிருந்து உறுதி செய்யப்பட்டுள்ளது.

எனினும், அவர் வெளிநாடு சென்றதிலிருந்து கடந்த 14 வருடங்களாக அவர் எங்கிருக்கின்றார் என்பது குறித்த எவ்வித தகவலும் வெளிவரவில்லை என்று அவரது குடும்பத்தினர் தெரிவித்துள்ளனர்.

இந்தச் சம்பவம் குறித்து காணாமல் போன பெண்ணின் குடும்பத்தார் பலமுறை வெளிநாட்டு வேலைவாய்ப்புப் பணியகத்தில் முறைப்பாடு செய்துள்ளதாக தெரிவிக்கப்படுகின்றது.

ஆவணங்களின்படி, இந்த முறைப்பாடு 2022 ஆகஸ்ட் 17ஆம் திகதி, CD/183/2208 என்ற குறிப்பு எண்ணின் கீழ் பதிவு செய்யப்பட்டுள்ளது.

மேலும், இலங்கை (Sri Lanka) வெளிநாட்டு வேலைவாய்ப்புப் பணியகம் இது தொடர்பாக 2023 மற்றும் 2024ஆம் ஆண்டுகளில் கடிதங்களை அனுப்பியுள்ளது.

இது தொடர்பில் காணாமல் போன பெண்ணின் தந்தை ஊடகங்களுக்குத் தெரிவிக்கையில், தாம் 2021ஆம் ஆண்டு ஆகஸ்ட் 17ஆம் திகதி வெளிநாட்டு வேலைவாய்ப்புப் பணியகத்திடம் முதன்முறையாக முறைப்பாடு செய்ததாகக் கூறியுள்ளார்.

தொடர்ந்து 2024ஆம் ஆண்டும் பணியகத்திற்கு கடிதம் அனுப்பியதாகவும், பணியகத்திற்குப் பலமுறை நேரில் சென்றதாகவும் அவர் தெரிவித்துள்ளார்.

இறுதியாகத் தற்போதைய ஜனாதிபதிக்கும் (president) கடிதம் அனுப்பியதாகக் கூறும் அவர், அதற்குப் பதிலளித்த அதிகாரிகள், இது தொடர்பான தகவல்களைப் பெற்றுக் கொள்ள உரிய நிறுவனங்களுக்கு அறிவித்துவிட்டதாகத் தெரிவித்ததாகவும் சுட்டிக்காட்டியுள்ளார்.

எனினும் இன்றுவரை எந்தவொரு தகவலும் கிடைக்கவில்லை என்றும், இந்த விடயத்திற்காகப் பயணச் செலவுகள் உட்பட சுமார் இரண்டு அல்லது மூன்று இலட்சம் ரூபா செலவழித்திருப்பதாகவும், தற்போது எங்கும் சென்று வரமுடியாத நிலையில் இருப்பதாகவும் அவர் கூறியுள்ளார்.

தனக்கு 73 வயதாகின்றது என்றும், உடல்நலக் குறைவால் கடுமையாகப் பாதிக்கப்பட்டு தினமும் மருந்துகளை (medicines) உட்கொண்டே உயிர்வாழ்வதாகவும், தனது மனைவியும் மின்னல் (lightning) தாக்குதலுக்கு இலக்காகி கடுமையான பாதிப்பை எதிர்கொண்டதாகவும் அந்த வயோதிக தந்தை வேதனையுடன் தெரிவித்துள்ளார்.

எனவே, சம்பந்தப்பட்ட விடயம் தொடர்பில் உரியவர்கள் விரைவாகக் கவனத்திற்குக் கொண்டு, தனது மகள் தொடர்பான தகவல்களைக் கண்டுபிடித்துத் தருமாறு அவர் கேட்டுக்கொண்டுள்ளார்.