புதிய பாதுகாப்புச் சட்டங்களை உள்ளூராட்சி மன்றங்கள் (local councils) எதிர்க்க வேண்டும் - மட்டக்களப்பு எம்.பி வேண்டுகோள்
அரசாங்கம் கொண்டுவரவுள்ள பயங்கரவாதத்திலிருந்து அரசைப் பாதுகாக்கும் சட்டம் (anti-terrorism law) மற்றும் ஒழுங்கமைக்கப்பட்ட குற்றங்களைத் தடுப்பதற்கான சட்டம் (organised crime prevention law) ஆகியவற்றுக்கு எதிரான தீர்மானங்களை உள்ளூராட்சி மன்றங்கள் நிறைவேற்ற வேண்டும் என மட்டக்களப்பு மாவட்ட நாடாளுமன்ற உறுப்பினர் ஞானமுத்து சிறீநேசன் (Gnanamuththu Srineshan) தெரிவித்துள்ளார்.
மட்டக்களப்பு மாவட்டத்தில் (Batticaloa) அரசாங்கத்திற்குச் சார்பாக எந்தப் பிரதேச சபையும் ஆட்சி செய்யவில்லை என்பதால், அங்குள்ள பன்னிரண்டு சபைகளுமே இச்சட்டங்களை எதிர்க்கக்கூடியவையாக இருக்கும் என அவர் நம்பிக்கை தெரிவித்தார்.
ஊடகச் சந்திப்புகள் மற்றும் எதிர்ப்புச் செயல்பாடுகள் மூலம் இந்த எதிர்ப்பை முன்னெடுப்பதாகக் குறிப்பிட்ட அவர், கடந்த காலத்தில் பயங்கரவாத தடைச் சட்டத்தின் கீழ் அரச பயங்கரவாதம் அதிகமாக நடைபெற்றதாகவும், தற்போதைய அரசாங்கம் தந்திரோபாயமாகச் செயல்படுவதாகவும் குற்றம்சாட்டினார்.
இந்த விடயத்தை வெளிநாட்டுத் தூதரகங்களுக்கும், இலங்கைக்கு உதவி வரும் சர்வதேச தரப்பினருக்கும் கொண்டு செல்லும் கடப்பாடு தமக்கு உள்ளதாகவும் அவர் தெரிவித்தார்.
நாடாளுமன்றம், உள்ளூராட்சி சபைகள், ஊடகங்கள், இராஜதந்திர மட்டம் மற்றும் சர்வதேச ரீதியாக இச்சட்டம் உருவாக்கப்போகும் ஆபத்தான சூழல் குறித்து எச்சரிப்போம் என்றும், ஊடகவியலாளர்கள் இந்த விடயத்தை உள்ளூராட்சி சபைகளுக்குக் கொண்டு செல்ல வேண்டும் என்றும் அவர் கேட்டுக்கொண்டார்.
