PST, OC மசோதாக்களுக்கு எதிராக நாடெங்கும் போராட்டங்கள் அதிகரிப்பு

முன்மொழியப்பட்டுள்ள Protection of the State from Terrorism Act (PST) மற்றும் Prevention of Organised Crimes Act (OC) மசோதாக்களுக்கு எதிராக இவ்வாரம் நாடெங்கும் பல போராட்டங்கள் ஆரம்பிக்கப்பட்டன. போராட்டங்களுக்கு முன்னணி சோசலிசக் கட்சி (Frontline Socialist Party - FSP), மக்கள் போராட்ட இயக்கம் (People’s Struggle Movement - PSM), குடிமை உரிமைச் செயற்பாட்டாளர்கள் மற்றும் தொழிற்சங்க உறுப்பினர்கள் தலைமை தாங்கினர்.

மிகப் பெரிய போராட்டம் நவம்பர் 4 இல் நாடாளுமன்ற வட்டத்திற்கு (Parliament Roundabout - Polduwa Junction) அண்மையில் நண்பகல் சுமாரில் FSP மற்றும் PSM தலைமையில் ஆரம்பமாகியது.

அதே தினம், சுயாதீன தொழிற்சங்கங்கள் மற்றும் மக்கள் அமைப்புகளின் கூட்டமைப்புடன் (Alliance of Independent Trade Unions and Mass Organisations) இணைந்து அஞ்சல் அரங்கில் (Postal Auditorium) கருத்தரங்கு ஒன்று நடைபெற்றது; அதனைத் தொடர்ந்து Lake House வட்டத்திற்கு முன்னால் போராட்டம் நடைபெற்றது.

நவம்பர் 6 இல், தேசிய தொழிற்சங்கங்கள் மற்றும் தொழில் வல்லுநர்களின் சம்மேளனத்துடன் (NFTUP) இணைந்து கோட்டை தொடருந்து நிலையத்திற்கு (Fort Railway Station) முன்னால் வேறொரு போராட்டம் நடைபெற்றது.

இம்மசோதாக்கள் தொடர்பில் விவாதங்கள் அதிகரித்து வரும் நிலையில், அவற்றை முழுமையான மீளாய்வுக்குப் பின்னரே முன்னெடுப்பதாக ஜனாதிபதி தெரிவித்துள்ளார்; நீதி அமைச்சர் பங்குதாரர்களுடன் பேச்சுவார்த்தை நடத்துமாறு அறிவுறுத்தப்பட்டுள்ளார்.